Batys úlgisimen kele jatqan túrki áleminiń qoǵamdyq ǵylymdary tuıyqqa jaqyndaýda - Mekemtas Myrzahmetuly
ALMATY. Qarashanyń 4-i. QazAqparat /Erlik Erjanuly/ - Abaıdy tanyǵan adam Shákárimdi ońaı tanıdy. Bul týraly búgin Almatyda "Shákárim muralaryna jańa býyn kózqarasy" degen taqyryppen ótip jatqan dástúrli "Shákárim oqýlarynda" aıtyldy,
dep habarlaıdy QazAqparat.
"Ýaqyt qatty ózgerip jatyr. Kózqarastar da ózgerýde. Qazir batys úlgisimen júrip kele jatqan Qazaqstan ǵana emes, búkil túrki áleminiń qoǵamdyq ǵylymdary belgili bir tuıyqqa kele jatyr. Ol relstiń basynda buryn rentalıster, odan keıin eýrotsentrıster turǵan. Endigi jol ary qaraı júrmeıdi. Ne isteımiz? Jalpy, erterek esin jııatyn memleket óziniń ıdeologııasynda ǵylymdy damytýdyń úlgisin, qalpyn ózgertý kerek. ıAǵnı, biz jańa ulttyq, shyǵystyq úlgige qaraı aýyspasaq adasamyz", deıdi "Abaıtaný" ortalyǵynyń dırektory Mekemtas Myrzahmetuly. Fılologııa ǵylymy doktorynyń aıtýynsha, Shákárimniń murasy eýropalyqtardan áldeqaıda joǵary tur. Olar bul deńgeıge áli jete alǵan joq. Jantaný iliminiń negizi qazaq dalasynda 19 ǵasyrda salyndy. Jantaný degen sóz - Allany taný. Jantaný degen másele qazir ǵylymda kóterile bastady. Biraq bizdiń fılosoftar buǵan jete almaı kele jatyr. Óıtkeni olar psıhologııany jantaný dep júr. Psıhologııa jantaný bola almaıdy. Fılosofııa oılaýdyń zańdary týraly, al psıhologııa adamnyń boıyndaǵy psıhıkalyq qubylastardy zertteýdiń zańdary týraly ilim. Ony tutas uǵynbasaq ta birtindep baryp uǵyný bizdiń qolymyzǵa dúnıetanymdyq, ıdeologııalyq qural beredi.
"Abaıdy tanyǵan adam Shákárimdi ońaı tanıdy. Shákárimdi tóteleı kelip tanımyn degender adasady. Sebebi Shákárim - Abaıdyń shákirti. Sol jolmen júrgen, sol joldy ary qaraı damytqan, ekinshiden, olar bizdiń elimizde ar ǵylymynyń negizin salǵandar bolyp otyr. Qazir batystyń minez-qulqyn aqparat quraldary arqyly boıymyzǵa eriksiz darytyp jatyrmyz. Bizdiń oǵan qarsy qoıatyn birden-bir quralymyz Abaı salǵan tolyq adam ilimi, ar ilimi. Bul basqa halyqtyń qolynda joq. Eýropa qazirgi minez-qulyq jaǵynan shirýinen aryla almaıdy. Odan ary jol joq. Dúnıe qýǵan adam alysqa barmaıdy. Jınaıtyn dúnıe rýhanı qazyna, ony ury da, basqa da ala almaıdy. Ony ıgere alsańyzdar, báıge endi sizderdiki bolady", deıdi Abaı atyndaǵy QazUPÝ professory Mekemtas Myrzahmetuly.
