Batys Reseıge ekonomıkalyq sanktsııa engizgen jaǵdaıǵa Qazaqstan munaı tasymaldaýdyń basqa da múmkinshilikterin qarastyrýda
«Biz erkinsip, alda ahýal qalaı bolady eken dep qarap otyra almaımyz. Bul árbir mamannyń, onyń ishinde memlekettik organdardyń kókeıinde júrgen jaıt. Qandaı sanktsııalar engizilýi múmkin ekenin bilmeımiz jáne bizder úshin eksport boıynsha ustanym negizgi qıyndyq týyndatyp otyr. Eger bizdiń eksportymyzǵa qandaı da bir shekteý bolatyn bolsa, onda ol negizinen reseılik jeliden oryn alýy múmkin. Bizdiń oıymyzsha, mundaı jaǵdaıda bizdiń eksportymyz azaıady», - dedi mınıstr. Onyń atap ótýinshe, bul jaǵdaıǵa munaı tasymaldaýdyń múmkindikteri ártúrli baǵytta qarastyrylyp jatyr. «Bul Kaspıı teńizi arqyly, Ázerbaıjan, Grýzııa arqyly Qara teńizge shyǵý baǵytyn kúsheıtý bolýy múmkin. Buǵan qosa Batýmıda múmkinshiligi zor qazaqstandyq port bar», - dedi U.Qarabalın.
