Batys pedıatorlary balany súndetke otyrǵyzýdy mindetteýdi usyndy
ASTANA. QazAqparat - Batys pedıatorlary ul balany kishkentaı kezinde súndetke otyrǵyzý kerek degen bastama kóterdi. Amerıka men Avstralııa mamandary balalarǵa kishkentaı kezinde ekpemen birge súndetke otyrǵyzýdy da qoldanysqa engizýdi usynyp otyr. Sebebi, ol balalardy túrli dertten saqtaıdy, dep jazady meddaily.
Professor Braıan Morrıstiń aıtýynsha, súndetke otyrǵyzylmaǵan balalardyń 50 paıyzy túrli dertke shaldyǵady. Ásirese, olardyń basym bóligi búırek aýrýlarymen keledi eken. Sondaı-aq ol balanyń kishkentaı kezinde júzege asyrylýy tıis dep otyr.
Aıta keterligi, amerıkalyq pedıatrııa akademııasy súndetke otyrǵyzý er adamdardy túrli ınfektsııadan saqtaıtynyn aıtyp, málimdeme jasaǵan bolatyn. Alaıda, birqatar elderde bul máselege teris kózqaras qalyptasqan. Máselen, Skandınavııada súndetke otyrǵyzý zań boıynsha balany qorlaý jáne onyń quqyǵyn taptaý dep tanylǵan.
