Batys óńiriniń eń úzdik jedel járdem brıgadasy anyqtaldy
ATYRAÝ. QazAqparat - Atyraýda eń úzdik jedel járdem brıgadalary anyqtalǵan baıqaý ótti. Onda atyraýlyq jedel járdemshiler úzdik bolyp tanyldy, dep habarlaıdy «QazAqparat» HAA tilshisi.
«Baıqaýǵa Atyraý, Oral, Aqtaý jáne Aqtóbeden kelgen komandalar qatysty. Saıys birneshe kezeńnen turdy. Medıtsına qyzmetkerleri alǵashqy kómek kórsetý, durys dıagnoz qoıý, em taǵaıyndaý boıynsha ózderiniń bilimderin kórsetti. Odan keıin bazalyq jáne keńeıtilgen júrek-ókpe reanımatsııasyn ótkizýdegi, shuǵyl medıtsınalyq kómek kórsetýdegi daǵdylaryn ortaǵa saldy. Jeńimpazdar birneshe krıterıı boıynsha baǵalandy»,- dedi Atyraý qalalyq «103» qyzmetiniń bas dárigeri Gýlnafıs Tanbaeva.
Baıqaý qorytyndysy boıynsha I oryndy Atyraý jedel járdem brıgadasy ıemdense, II oryndy Aqtóbe men Oral komandalary ózara bólisti, III oryndy Aqtaýdan kelgen komanda aldy.
