«Batys» Óńiraralyq kólikti baqylaý ınspektsııasynyń júrgizýshisi para alýǵa kómekteskeni úshin 7 jylǵa bas bostandyǵynan aıyryldy

Bul aqparatty QR Ekonomıkalyq qylmysqa jáne sybaılas jemqorlyqqa qarsy kúres agenttiginiń baspasóz qyzmetinen habarlady.

Aqtóbe oblystyq ekonomıkalyq qylmysqa jáne sybaılas jemqorlyqqa qarsy kúres departamenti Aqtóbe jáne Batys Qazaqstan oblystary boıynsha «Batys» Óńiraralyq kólikti baqylaý ınspektsııasynyń júrgizýshisi A.Jarjanovqa qatysty qylmystyq isti tergeýdi aıaqtady. Ol «Batys» Óńiraralyq kólikti baqylaý ınspektsııasynyń jetekshi mamanynyń mindetin atqarýshy T.Serǵazınge birneshe ret L. esimdi azamattan ákimshilik quqyq buzýshylyq týraly hattamany toltyrmaý jáne qum tıelgen avtokólikti kedergisiz ótkizý úshin jalpy somasy 25 myń teńge para alýǵa kómektesken.

Aqtóbe qalalyq №2 sotynyń úkimimen A.Jarjanov QR QK 28-babynyń 5-bóligi (qylmys jasaýǵa kómektesý), 311-baby 4-bóliginiń «g» tarmaǵy (para alý) boıynsha kináli dep tanylyp, shartty túrde 7 jylǵa bas bostandyǵynan aıyryldy.