«Batys Qytaı -Batys Evropa» dálizi boıynda jedel kómek kórsetý stansasy ashyldy - Qyzylorda
QYZYLORDA. QazAqparat - Qyzylorda oblysy aýmaǵynda turatyn halyqqa jáne «Batys Qytaı -Batys Evropa» dálizi boıyndaǵy jolaýshylarǵa der kezinde jedel kómek kórsetý stansasy ashyldy.
Bul týraly QazAqparat tilshisi habarlady.
Oblystyq jedel -járdem qyzmeti endi biryńǵaı avtomattandyrylǵan júıege tirkelip, óńir aýmaǵynda osy qyzmetke qoljetimdi bolmaq. Tarata aıtsaq, Siz oblys aýmaǵynyń kez kelgen núktesinde turyp, 103-ke telefon soqqan jaǵdaıda, qońyraýyńyz ortalyqqa túsedi. Ortalyq kómekti sol jerge jaqyn medıtsınalyq brıgadalarǵa júktep, jyldam kómek kórsetiledi. Júıeni qurýǵa oblystyq bıýdjetten 19 mln teńge bólindi. Aldaǵy ýaqytta «Batys Evropa-Batys Qytaı» halyqaralyq dáliziniń boıynda belgili bir ara qashyqtyqty qamtıtyn baılanys beketteri ashylady. Jolaýshylar sol arqyly ortalyqpen kez kelgen ýaqytta baılanysa alady.
Árıne, oblystyq statýsqa ıe bolǵan jedel-járdem qyzmetiniń aýqymy da keńeıdi. Sanıtarlyq avıatsııa qyzmeti qosyldy, trassa boıyndaǵy apattarǵa da jedel qyzmet kórsetýge múmkindik týdy.
Qyzmetkerler sany 1000-nan asty. Jedel qyzmet kórsetetin mamandandyrylǵan brıgadalar sany 28 den -52 deıin artty.
Keler jyly jedel járdem qyzmetiniń materıaldyq tehnıkalyq ahýalyn jaqsartý maqsatynda, belgili qarjy kózderinen 24 sanıtarlyq avtokólik alynady.
