«Batys Qytaı - Batys Eýropa» magıstraliniń jyldyq ekonomıkalyq paıdasy 300 mln. dollar bolady

ASTANA. QazAqparat - Bul týraly búgin Ortalyq kommýnıkatsııalar qyzmetinde ótken baspasóz máslıhatynda QR Investıtsııa jáne damý mınıstrligi Avtomobıl joldary komıtetiniń tóraǵasy Mereke Pishembaev málim etti.

"Batys Qytaı - Batys Eýropa" magıstrali - megajoba. Onyń Qazaqstan ekonomıkasy úshin úlken mýltıplıkatıvti áseri bar. Ol paıdalanýǵa berilgende júk tasymaly 3 esege deıin artady. Jol-kólik oqıǵalarynyń azaıaıýy, qosymsha jumys oryndary men kásipkerliktiń damýy, júk tasymaly ýaqytynyń azaıaıýy jáne taǵy basqa faktorlardyń áserinen onyń jyl saıynǵy ekonomıkalyq paıdasy 300 mln. dollar bolady. Júk tasymalynyń ýaqyty da birshama qysqarady", - dedi ol.

Komıtet basshysynyń atap kórsetkenindeı, 2,7 myń shaqyrymdyq magıstraldiń qazirgi ýaqytta 1,8 myń shaqyrymy salynyp bitti. 2015 jyly Shymkent-Taraz ýchaskesi paıdalanýǵa berilgen. 2016 jyly tranzıttik magıstral qurylysy tolyǵymen aıaqtalady.

Aıta keteıik, El Prezıdentiniń Qazaqstan halqyna «Nurly jol - bolashaqqa bastar jol» Joldaýyndaǵy basty mindetterdiń biri - kóliktik-logıstıkalyq ınfraqurylymnyń damýy.

Bul baǵyt habtar prıntsıpi boıynsha makroaımaqtardy qurý aıasynda júzege asyrylatyn bolady. Negizinen Astana men makroaımaqtardy baılanystyratyn avtojol, temirjol jáne áýe júıelerine nazar aýdarylady.