«Batys Qytaı - Batys Eýropa» avtojolynyń qurylysyna qajetti 9 myń jer telimi 9 mlrd. teńgege satyp alynady - Á.Qusaıynov
ýsymnyń 2-si. QazAqparat /Marlan Jıembaı/ - «Batys Qytaı - Batys Eýropa» avtojolynyń qurylysyna qajetti 9 myń jer telimi 9 mlrd. teńgege satyp alynady. Qazirgi ýaqytta satyp alý úderisi júrgizilýde. Bul týraly búgin QR Kólik jáne kommýnıkatsııa mınıstri Ábilǵazy Qusaıynov BNews.kz portalynda «Batys Eýropa -Batys Qytaı» jobasynyń júzege asyrylý barysy» taqyrybynda ótken on-laın konferentsııa barysynda málim etti.
Mınıstrdiń atap ótýinshe, negizinen atalǵan joldyń qurylysyna qajetti barlyq jer telimderiniń basym bóligi qazirgi qoldanystaǵy joldardy basyp ótedi. «ıAǵnı biz jer telimderin satyp alýdy múmkindiginshe tómendettik», deıdi mınıstr.
Al jer telimderiniń baǵasy arnaıy jasaqtalǵan komıssııanyń alqa sheshimimen anyqtalatynyn atap ótken mınıstr «qazirgi ýaqytta jekelegen azamattar tarapynan týyndaǵan máselerdi sheshildi dep aıtýǵa bolady jáne biz josparly satyp alýdy qamtamasyz etemiz. Bul sharany barlyq jumystar bastalǵanǵa deıin tolyq kólemde aıaqtaımyz», dedi.
Jalpy jol qurylysyna qajetti jer telimderi 2120 menshik ıesinen 9 mıllıard teńgege satyp alynady.
