Batys kompanııalary kóp shaǵymdanǵanmen eshqaısysy da Qazaqstannan ketken joq - Endrıý Neff
MATY. 7 qazan. QazAqparat /Erlik Erjanuly/ - Qazaqstanda ınvestıtsııalyq ahýal bári bir jaqsy. Ony HIS Energy Bas energetıkalyq sarapshysy Endrıý Neff búgin Almatyda óz jumysny aıaqtaǵan 19-shy qazaqstandyq "Munaı jáne gaz" halyqaralyq konferentsııasynda aıtty.
"Batys kompanııalary óte kóp shaǵymdanady. Biraq eshqaısysy da ketken joq. Óıtkeni Qashaǵan, Qarashyǵanaq, Teńiz jobalary Qazaqstanǵa ǵana emes oǵan qatysyp jatqan ár kompanııa úshin de óte mańyzdy. Ár tarap bul jobalarynda barynsha joǵary tıimdilik kórip otyr", - dedi E. Neff. Onyń paıymdaýynsha, 1990 jyldary jasalǵan kelisimsharttar Qazaqstanyń ekonomıkalyq damý deńgeıi men ekonomıkalyq mártebesi ózgeshe ýaqytta jasaldy. Qazaqstan úshin qolaısyz jaǵdaılar boldy. Batys kompanııalary kelisimsharttardyń sol qalpynda qalǵanyn qalaıdy. Alaıda elde ınvestıtsııalyq ahýal bári bir jaqsy.
