Batys kompanııalary Egıpettegi óz keńselerin jabýda
ASTANA. 17 tamyz. QazAqparat - Egıpettegi jaǵdaıdyń shıelenisýi kóptegen batystyq kompanııalardy óndiristerin toqtatýǵa jáne keńselerin jabýǵa májbúrledi, dep habarlady .vestifinance.ru.
Royal Dutch Shell Egıpettegi óziniń ókildigin jabatyny týraly sheshimin jarııalady. Taratylǵan málimdemede, atap aıtqanda, «qyzmetkerlerimizdiń qaýipsizdigin qamtamasyz etý úshin Shell kompanııasy kelesi aptaǵa deıin Egıpettegi barlyq keńselerin jabýdy jáne osy elge iskerlik saparlardy shekteýdi qajet dep tapty», delingen.
Shvedtiń Electrolux kompanııasy Egıpettegi óndirisin toqtatý týraly jarııalady. Kompanııanyń egıpettegi qyzmettkerleriniń sany 7 myń adamdy quraıdy.
Amerıkandyq General Motors Egıpettegi kompanııa keńsesin jabý jáne Kaır mańynda ornalasqan zaýytta avtomobıl qurastyrýdy toqtatý týraly sheshim qabyldady. Sondaı-aq Toyota óz zaýytynyń jumysyn toqtatty.
