Batys Qazaqstannyń tarıhı eskertkishteri ıÝNESKO-nyń álemdik muralar tizimine engizilýi múmkin

AQTAÝ. QazAqparat – Batys Qazaqstannyń tarıhı eskertkishteri ıÝNESKO-nyń Álemdik mura tizimine engizilýi múmkin. Bul týraly Aqtaý qalasynda ıÝNESKO jáne Japonııanyń Trast qorynyń (Japan FiT) jobasy aıasynda «Jibek jolynyń Dúnıejúzilik murasyna nomınatsııa protsesin qoldaý» atty sharada aıtyldy, dep habarlaıdy QazAqparat tilshisi.

Qazaqstan, Japonııa, Ulybrıtanııa, Ázerbaıjan, Iran, Túrikmenstan jáne Reseıdiń ǵalymdary men sarapshylary bas qosqan semınarda halyqaralyq yntymaqtastyq pen «Jibek joly: Edil-Kaspıı dálizi» serııalyq transulttyq nomınatsııasyn daıyndaý aıasyndaǵy kúsh-jigerdi úılestirýdiń ózekti máseleleri qozǵaldy.

Maqsaty – Jibek jolymen baılanysty tarıhı-mádenı mura nysandaryn zamanaýı qujattaý aspektileri men kezeńderin talqylaý. Semınarǵa qatysýshylar tarıhı jáne mádenı qundylyǵy bar biregeı nysandardy qujattaý jáne saqtaý boıynsha ozyq tájirıbesimen bólisti.

«Mańǵystaýdyń tabıǵı-tarıhı ólketaný eskertkishterin ıÝNESKO-ǵa engizý – basty maqsatymyz. Árıne, eń aldymen arheologtar kıeli mekenderdi zerttep, zerdeleýi tıis. Osy rette «QazaqGeographymen» birlesip, Japonııa, Ázerbaıjan, Frantsııa memleketterinen arnaıy mamandardy shaqyrttyq. Biz úshin bul úlken mártebe», - dedi Mańǵystaý oblystyq týrızm basqarmasynyń basshysy Máýlen Ǵabdýlqalıev.

Semınardy ashqan «QazaqGeography» RQB Basqarma tóraǵasy Erik Sultanov ıÝNESKO-nyń Álemdik muralar tizimine engizý arqyly tarıh jáne mádenıet eskertkishterin saqtaý jumystarynda mundaı is-sharalardyń mańyzyn atap ótti.

«Semınar aıasynda Batys Qazaqstan oblysy, onyń ishinde Mańǵystaý óńirine erekshe nazar aýdarýymyzǵa týra keledi. Іs-sharaǵa arnaıy «ıÝnesko» uıymynan sarapshylar jáne japondyq «Senim» qory, Mádenıet jáne sport mınıstrliginiń ókilderi keldi. «Jibek joly: Edil-Kaspıı dálizi» serııalyq transulttyq nomınatsııasyn daıyndaýǵa erekshe nazar aýdarylady. Semınar osy jobaǵa qatysty máselelerdi talqylaý jáne ony júzege asyrýdyń ońtaıly tásilderin izdeý alańyna aınaldy», - dedi Erik Sultanov.

Jıyn aıasynda Mańǵystaý oblysynyń tarıhı-mádenı murasyn zerdeleý maqsatynda kóshpeli ekskýrsııa da uıymdastyrylady. Bul kezeń qatysýshylarǵa naqty obektilermen jaqyn tanysýǵa, olardyń mańyzy týraly alǵashqy túsinik alýǵa jáne praktıkalyq bólikti zertteýge múmkindik beredi.

Osylaısha, Túpqaraǵan túbeginde ornalasqan nysandar, sonyń ishinde Shaqpaqtysaı shatqalynyń, Qosbaıyr qorymynyń, Shaqpaq ata jartas meshitiniń jáne Qapamsaı shatqalynyń ishindegi nysandar zerttelmek. Sonymen qatar Kenti-Baba qorymyna, Sultan epe beıiti men jerasty meshitine jáne basqa da nysandarǵa barý josparlanyp otyr.