Batys Qazaqstannyń stýdentteri men kedenshileri Keden odaǵy aıasyndaǵy jumystardyń basymdyqty baǵyttarymen tanystyryldy
bsp; Sáýirdiń 29-y. QazAqparat - Qarjy mınıstrligi Kedendik baqylaý komıtetiniń tóraǵasy Qozy-Kórpesh Káribozov Jáńgir han atyndaǵy Batys Qazaqstan Agrarlyq-tehnıkalyq ýnıversıtetiniń professor-oqytýshylar ujymymen jáne stýdentterimen kezdesti.
Kezdesý Elbasy N.Nazarbaevtyń Qazaqstan halqyna Joldaýyn túsindirý jónindegi respýblıkalyq aqparattyq-nasıhattaý tobynyń jumysy aıasynda ótti, dep habarlady Kedendik baqylaý komıtetiniń baspasóz qyzmetinen.
Keden vedomstvosynyń basshysy Joldaýda belgilengen mindetterdi oryndaý aıasynda elimizdiń kedendik organdarynyń aldynda turǵan jumystar týraly áńgimelep berdi, Reseı, Belarýs jáne Qazaqstannyń Keden odaǵy aıasyndaǵy qazaqstandyq kedenniń jumystarynyń basymdyqty baǵyttaryna toqtaldy, memleketimizdiń keden saıasatynyń negizgi baǵyttary boıynsha qoıylǵan saýaldarǵa jaýap berdi.
Bas kedenshi sapar barysynda sondaı-aq Batys Qazaqstan oblysy boıynsha kedendik baqylaý departamentiniń jeke quramymen kezdesti.
