Batys Qazaqstannyń oqý oryndarynda Azııa oıyndaryna arnalǵan jarystar ótkizilýde

Qazaqstan ınnovatsııalyq jáne telekommýnıkatsııalyq júıeler ýnıverıstetine qarasty aqparattyq tehnologııalar mektep-lıtseıinde «Kóńildi starttar» uıymdastyryldy. Jarystyń ashylý saltanatynda sóz sóılegen ýnıversıtet quryltaıshysy, oblystyq máslıhat depýtaty Aqserik Áıtimovtiń atap ótkenindeı, Azıada alaýy estafetasy Oral qalasy halqyna da kóterińki kóńil-kúı syılady. «Azıada alaýyn alyp júrýshilerdiń biri bolýym meni qýanyshqa bóleıdi. Azııa oıyndary jáne basqa úlkendi-kishili jarystar Qazaqstan Táýelsizdiginiń 20 jyldyǵy qarsańynda ótip jatyr. Munyń bári - el mereıi», dedi ol.

Jastar «Kóńildi starttarda» qappen sekirý, tennıs dobyn qasyqpen alyp júgirý syndy oıyndarǵa belsene qatysyp, jeńgenderi marapatqa ıe boldy.

Oral munaı, gaz jáne salalyq tehnologııalar kolledjinde spartakıada Azııa oıyndaryna arnaldy. Oqý ornynda voleıbol, ústel tennısi, nysana kózdeý syndy sport túrlerimen qatar toǵyzqumalaq sııaqty ulttyq oıyndar da damý ústinde. Kolledj dırektorynyń tárbıe jumysy jónindegi orynbasary Tamara Báımenovanyń sózine qaraǵanda, osy oraıda jańa sporttyq jabdyqtar satyp alynyp, sport zaly kúrdeli jóndeýden ótkizilgen. Mundaı jarystar salaýatty ómir saltyn ornyqtyrýǵa da oń áser etpek.