Batys Qazaqstannan Arman Óteǵulov Senat depýtaty bolyp saılandy

ORAL. QazAqparat - Batys Qazaqstan oblysynda Arman Óteǵulov Senat depýtaty bolyp saılandy, dep habarlaıdy QazAqparat tilshisi.

BQO aýmaqtyq saılaý komıssııasynyń tóraǵasy Ǵaısa Qapaqovtyń málim etkenindeı, A.Óteǵulov úshin 127 depýtat nemese daýys bergenderdiń 73,7 paıyzy jaqtap daýys berdi.

«Aqylbek Sultanovty 25 depýtat nemese 14,5 paıyzy qoldady. Aıbolat Qurymbaevqa 15 depýtat (8,7 paıyzy) daýys berdi. Úsh tańdaýshy bárine qarsy daýys berdi», dedi Ǵ.Qapaqov.

Budan keıin Arman Óteǵulov ózine daýys bergen depýtattarǵa alǵysyn bildirdi.

Eske sala keteıik, budan buryn BQO-da tańdaýshylar daýys berip jatyrǵanyn jazǵan bolatynbyz.

Sondaı-aq tańdaýshy Senat depýtatyn saılaý qalypty ótip jatqanyn jetkizdi.

Foto: gov.kz