Batys Qazaqstanǵa jańadan 37 reanımobıl jetkiziledi
ORAL. QazAqparat – Batys Qazaqstan oblysyna jańadan 37 reanımobıl jetkiziledi, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, bul jóninde «BRK-Lızıng» AQ-men kelisimshart jasalǵan.
Sonyń ishinde 20 avtokólik qarasha aıynda, qalǵany jyl sońyna deıin ákelinbekshi. Oǵan qosa taǵy 20 avtokólikti 2021 jyly jetkizý jóninde kelissóz júrgizilýde.
Kúni búgin jedel járdem stansasynda 63 avtokólik bar. Táýligine 700-deı shaqyrtý túsedi.
Іndet kezinde turǵyndarǵa jedel medıtsınalyq kómek kórsetý maqsatynda oblys emhanalarynda 123 mobıldi brıgada qurylǵan bolatyn. Olar koronavırýs pen pnevmonııaǵa shaldyqqan jáne jazylyp shyqqandardy, sozylmaly aýrýy bar adamdardy, sondaı-aq júkti áıelder men balalardy baqylaıdy. Brıgadalar qazir de jumys jasaýda.
Mobıldi toptar jumysyna 144 dáriger men medbıke, 98 avtokólik tartylǵan. Degenmen qosymsha taǵy 38 maman kerek.
Oblysta 333 tósektik 6 juqpaly aýrýlar statsıonarynda 34 adam emdelýde. Al 175 tósektik 5 karantındik statsıonarda 54 adam, 4 adam jansaqtaý bóliminde jatyr.
Emdelýshiler sany kóbeıgen jaǵdaıda 1369 tósek ázir tur.
Eske sala keteıik, budan buryn BQO-da 380 mekteptiń 249-y shtattyq rejımde jumys jasap jatqanyn jazǵan bolatynbyz.
