Batys Qazaqstanǵa taǵy 14 myń doza vaktsına jetkizildi
ORAL. QazAqparat – Batys Qazaqstan oblysyna taǵy 14 myń doza vaktsına (birinshi komponent) jetkizildi, dep habarlaıdy QazAqparat tilshisi.
BQO densaýlyq saqtaý basqarmasy basshysynyń mindetin atqarýshy Arman Qalıbekovtiń óńirlik kommýnıkatsııalar qyzmeti alańynda, buǵan deıin óńirge 20300 doza vaktsına ákelinse, sonyń 10150-i – birinshi, 10150-i ekinshi komponent edi.
Búginge deıin 10095 adam (99,4 paıyz) birinshi komponentpen egilip úlgerdi.
Qazirgi kezde vaktsınatsııa kestege sáıkes júrgizilýde.
Oblysta osy ýaqytqa deıin 16010 adam indet juqtyrsa, sonyń 80,4 paıyzy (12876) jazylyp shyqty. 252 adam kóz jumdy.
Jyl basynan beri 84 adam ómirden ozsa, sonyń 28-i –qańtarda, 15-i – aqpanda, 30-y – naýryzda, 11-i sáýirde qaıtty. Sonyń ishinde 45-i – áıelder, 39-y – er adamdar.
Marqumdardyń 95 paıyzynda sozylmaly syrqaty bolǵan.
«Kúni búgin 195 tósektik 4 karantındik statsıonarda 21 naýqas emdelýde. Al 730 tósektik 10 ınfektsııalyq statsıonarda jatqandar sany 520-ǵa jetti. Sonyń ishinde 30-y jansaqtaý bóliminde jatyr», dedi A.Qalıbekov.
Eske sala keteıik, budan buryn Batys Qazaqstanda ınfektsııalyq statsıonarda jatqandar sany 500-ge jýyqtaǵanyn jazǵan bolatynbyz.
