Batys Qazaqstanǵa Edil sýyn alýǵa qosymsha qarajat qarastyrylady

NUR-SULTAN. QazAqparat - Reseı Federatsııasynan Batys Qazaqstan oblysyna 131 mln tekshe metr Edil sýyn alýǵa qosymsha 3,5 mlrd teńge qarajat bólý máselesi 2021 jylǵa arnalǵan respýblıkalyq bıýdjetti birinshi naqtylaý kezinde qarastyrylady. Bul týraly QR Premer-Mınıstri Asqar Mamınniń senatorlardyń depýtattyq saýalyna bergen jaýabynda aıtylǵan, dep habarlaıdy QazAqparat tilshisi.

«Jyl saıyn Reseı Federatsııasynyń Úkimeti men Qazaqstan Respýblıkasynyń Úkimeti arasyndaǵy Transshekaralyq sý obektilerin birlesip paıdalaný jáne qorǵaý týraly kelisimniń negizinde halyqty sýmen qamtamasyz etýdi jaqsartý jáne mejeli kezeńde qalypty ekologııalyq jaǵdaıdy saqtaý maqsatynda respýblıkalyq bıýdjetten Edil sýyn mashınamen berý shyǵyndaryn óteýge qarajat bólinedi. 2015 jyldan bastap Qazaqstan Respýblıkasy men Reseı Federatsııasy arasynda Úlken jáne Kishi ózenderine tastalatyn sý kólemi kestege sáıkes 107 mln tekshe metr bolyp bekitildi», - dep atap ótedi Úkimet basshysy.

Onyń atap ótýinshe, 2020 jyly sýdyń azdyǵyna jáne sýdyń jetispeýshiligine baılanysty Úlken jáne Kishi ózenderindegi sý kóleminiń tapshylyǵyn toltyrý úshin 35 mln tekshe metr Edil sýyn satyp alý qajettigi týyndap, osy máseleni sheshýge qosymsha 993,1 mln teńge bólindi.

«Qazirgi ýaqytta Reseı Federatsııasynan Edil sýyn mashınalyq ádispen Batys Qazaqstan oblysyna berý úshin 3,5 mlrd teńge somasynda qosymsha qarjy qarajatyn bólý týraly bıýdjettik ótinim qalyptastyryldy. Joǵaryda baıandalǵannyń negizinde sý jiberý kólemin 3,5 mlrd teńge somasyna 131 mln tekshe metrge ulǵaıtý máselesi bıýdjettiń múmkindikterin eskere otyryp, 2021 jylǵa arnalǵan respýblıkalyq bıýdjetti birinshi naqtylaý kezinde qarastyrylatyn bolady», - dedi Asqar Mamın.