Batys Qazaqstanǵa 62 myńnan astam doza reseılik vaktsına jetkizildi
ORAL. QazAqparat – Batys Qazaqstan oblysyna 16 maýsym kúni 62540 doza reseılik «Spýtnık V» vaktsınasynyń ІІ komponenti jetkizildi.
Bul týraly búgin oblystyq densaýlyq saqtaý basqarmasy basshysynyń mindetin atqarýshy Arman Qalıbekov óńirlik kommýnıkatsııalar qyzmeti alańynda ótken brıfıngide málim etti, dep habarlaıdy QazAqparat tilshisi.
Onyń aıtýynsha, vaktsına óńirdegi barlyq medıtsına uıymdaryna bólinip berilgen.
Qazirgi tańda medıtsına qyzmetkerleri turǵyndardy egilýge shaqyryp, vaktsınatsııalaý jumystaryn jalǵastyrýda.
Arman Talǵatulynyń sózine qaraǵanda, naýqan bastalǵannan beri oblysqa barlyǵy 269100 doza (148050-i – birinshi, 121050-i – ekinshi komponent) kelip tústi. Sonyń ishinde 136560-y (105550-i – І, 93550-i – ІІ komponent) – Reseıde óndirilgen «Spýtnık V» vaktsınasy.
Sondaı-aq 4 myń doza (2 myńy – І, 2 myńy – ІІ komponent) otandyq «QAZVAS» vaktsınasy, 50 myń doza (32500-i – І, 17500-i – ІІ komponent) Birikken Arab Ámirlikterinde óndirilgen «Hayat - Vax» jáne 16 myń doza (8 myńy – І, 8 myńy – ІІ komponent) qytaılyq «CoronaVac» vaktsınasy jetkizilgen bolatyn.
Oblys boıynsha 80867 adam vaktsınanyń birinshi, 44543-i ekinshi komponentimen egildi.
«Halyqty COVID-19 indetinen qorǵaýdyń jalǵyz ári tıimdi joly vaktsınatsııalaý bolyp tabylady. Dúnıejúzilik densaýlyq saqtaý uıymynyń usynymy boıynsha ujymdyq ımmýnıtet qalyptastyrý úshin halyqtyń 60 paıyzdan kem emes bóligi vaktsınatsııalanýy tıis. Vaktsına belgili bir aýrýǵa qatysty arnaıy ımmýnıtettiń qalyptasýyna yqpal etedi. Ekpe alǵan adam aýyrmaıdy, syrqattanǵan kúnniń ózinde aýrý jeńil ótedi. Sondyqtan turǵyndardyń vaktsına alýda belsendilik tanytqany jón», dedi A.Qalıbekov.
Eske sala keteıik, budan buryn Batys Qazaqstan tórt kúnde 250-den astam adamnan koronavırýs tabylǵanyn jazǵan bolatynbyz.
