Batys Qazaqstandaǵy jol apaty bir adamnyń ómirin qıyp ketti

ORAL. QazAqparat – Batys Qazaqstan oblysynda jol apatynan jolaýshy qaza tapty, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa 7 naýryz kúni keshkisin Aqjaıyq aýdany aýmaǵynda boldy.

Shamamen saǵat 19.30-da Tompaq aýylynan 10 shaqyrym jerde «Mıttsýbısı Montero» avtokóliginiń 1974 jylǵy júrgizýshisi aldyndaǵy kólikti basyp ozǵan mezette rýlge ıe bola almaǵan. Sodan «Reno» júk kóligine soǵylyp, jol jıegine aýdarylǵan.

Jol apaty saldarynan 1968 jylǵy er adam oqıǵa ornynda kóz jumdy.

BQO polıtsııa departamenti aýa raıyn eskere otyryp, júrgizýshilerge jolda abaı bolyp, jol júrý erejesin buzbaý kerektigin eske salady.

Eske sala keteıik, budan buryn Batys Qazaqstanda boranǵa baılanysty joldarda qozǵalys shektelgenin jazǵan bolatynbyz.