Batys Qazaqstandaǵy tarıf aıyrmashylyǵy kredıtorlyq bereshek týǵyzǵan
«Naryq sýbektileri arasynda bereshekterdi tólemeý jáne jınaqtaý boıynsha suraqtar bar, bul energııa óndirýshi uıymdar tarapynan tutynylǵan gaz úshin tóleýge de áser etedi. Tutynýshylardyń toptary boıynsha elektr energııasyna arnalǵan tarıfterdiń saralanýyna baılanysty kepildik berýshi retinde áreket etetin energııamen jabdyqtaýshy uıymdardyń jumysynda birqatar másele týyndap otyr. Osyndaı máselelerdiń biri – kepildik beretin jetkizýshiler men rettelmeıtin energııamen jabdyqtaýshy uıymdar arasyndaǵy tarıf aıyrmashylyǵy. Saldarynan tutynýshy zańdy tulǵalar shaǵyn energııamen jabdyqtaýshy uıymdarǵa ketip jatyr», - deıdi vedomstvo basshysy Úkimet otyrysynda.
Bul jaıt aqyrynda «Batysenergoresýrstar» JShS-niń kepil berý qujattary boıynsha energııa óndirýshi kásiporyndar aldynda 2 mlrd teńgeden astam qaryz bolyp qalýyna ákep soqqan.
«Osynyń kesirinen «Batysenergoresýrstar» jaýapershiligi shekteýli seriktestiginiń energııa óndirýshi jáne energııa berýshi uıymdar aldyndaǵy bereshegi 2021 jylǵy 1 mamyr jaǵdaı boıynsha 2 mlrd 62 mln teńgeni quraıdy. Naryq sýbektileri arasyndaǵy jaǵdaıdy retteý úshin Batys Qazaqstan oblysynyń ákimdigine múddeli taraptarmen bereshekti óteý kestesin jasaı otyryp, elektr energııasy naryǵy sýbektileri arasyndaǵy bereshekti azaıtý jónindegi máseleni pysyqtaý qajet dep sanaımyz», - dedi Nurlan Noǵaev.
