Batys Qazaqstanda zymyrannyń bir bóligi qulady
ORAL. QazAqparat – Memlekettik shekaradan úsh shaqyrym qashyqtyqtan zymyrannyń bir bóligi tabyldy, dep habarlaıdy QazAqparat «Moı gorod» portalyna silteme jasap.
Belgili bolǵandaı, zymyrannyń bir bóligi 30 qańtar kúni BQO Bókeı ordasy aýdanynda memlekettik shekaradan úsh shaqyrym qashyqtyqta, «Molodost» jaıaý júrginshiler jolaǵyna qulaǵan. Bókeı ordasy aýdanynyń ákimi Nurlan Raqymjanov bul aqparatty rastady.
«Bul janarmaı quıatyn bagy bolýy múmkin, ony 30 qańtarda shekara qyzmetkerleri tapty. Keshe Reseı oqý-jattyǵý ótkizdi, zymyrannyń bir bóligi sol jaqtan ushyp kelýi múmkin. Oqıǵa ornynda jedel top jumys istep jatyr. Eshkim zardap shekken joq», - dep habarlady Nurlan Raqymjanov.
Qosymsha aqparat mamandardyń jumysynan keıin belgili bolady.
