Batys Qazaqstanda jyl sońyna deıin 204,4 myń sharshy metr turǵyn úı iske qosylmaq
ORAL. 18 qazan. QazAqparat - Batys Qazaqstan oblysynda jalgerlik, nesıelik úılerdiń qurylystaryna jáne ınjenerlik ınfraqurylymdarǵa respýblıkalyq bıýdjetten 6741,8 mln. teńge bólingen.
Jyl sońyna deıin barlyq qarjylandyrý kózi arqyly paıdalanýǵa beriletin turǵyn úı kólemi 204,4 myń sharshy metrdi quraıtyn bolady.
«Turǵynúıqurylysjınaq banki» AQ BQO fılıalynyń dırektory Qýanyshbek Hamzınniń aıtýynsha, 2011-2014 jyldarǵa arnalǵan memlekettik turǵyn úı baǵdarlamasy «Qoljetimdi baspana-2020» baǵdarlamasynyń ishine kirgen. Osy baǵdarlama aıasynda nesıelik júıe boıynsha turǵyn úı salýdyń jospary bıyl oblysymyzda artyǵymen oryndaldy. ıAǵnı tórt úı salynyp otyr. Onyń birinshisinde qonys toıy toılandy, al árqaısysy 90 páterlik qalǵan 3 úı jyl sońyna deıin paıdalanýǵa berilmekshi.
Al óńirde jalgerlik turǵyn úı salý úshin respýblıkalyq bıýdjettiń transfertteri esebinen 1691,8 mln. teńge qarastyrylǵan. Toǵyz aıdyń qorytyndysy boıynsha aýdandarda bir páterli toǵyz jáne eki páterli bes úı paıdalanýǵa berildi. Oral men Aqsaı qalalarynda árqaısysy 75 páterlik úsh úıdiń qurylysy bastaldy.
