Batys Qazaqstanda jyl basynan beri 30-ǵa jýyq avtokólik órtenip ketken
ORAL. QazAqparat – Batys Qazaqstan oblysynda taǵy bir avtokólik órtenip ketti, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkendeı, oqıǵa 3 mamyr kúni Bórli aýdany ortalyǵy Aqsaı qalasynda boldy.
Saǵat 16.55-te 2-shaǵynaýdan №8 úıdiń mańynda «Folksvagen Sharan» avtokóliginiń janyp jatqany jóninde habar túsken.
Órt oǵan qosa «Folksvagen Golf 3» avtokóliginiń aldyńǵy dońǵalaǵyn da sharpyǵan.
«Tilsiz jaý» №28 órt sóndirý bólimshesiniń kúshimen (3 qyzmetker, 1 tehnıka) saǵat 17.25-te aýyzdyqtaldy.
Departament málimetine qaraǵanda, jyl basynan beri óńirde barlyǵy 29 avtokólik órtendi.
Eske sala keteıik, budan buryn Oralda kósheniń qaq ortasynda kólik órtenip ketkenin jazǵan bolatynbyz.
