Batys Qazaqstanda jyl basynan beri 13,5 myńnan astam adam koronavırýs juqtyrdy
ORAL. QazAqparat – Batys Qazaqstan oblysynda jyl basynan beri 13 523 adam koronavırýs juqtyrdy, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmeti málim etkenindeı, sonyń 8 848-inde aýrý belgileri bolsa, 4 675-i – sımptomy joqtar.
Aýyrǵandardyń basym kópshiligi, ıaǵnı 56 paıyzy (7 579) Oral qalasy, 13,8 paıyzy (1 878) Báıterek, 11,3 paıyzy (1 530) Bórli aýdanynyń úlesine tıedi.
Qazirgi kezde oblysta 1 123 tósektik 18 ınfektsııalyq statsıonarda 388 naýqas em qabyldap jatyr.
«Іndet bastalǵannan beri óńirde 22 744 adam tirkelse, sonyń 13 513-inde aýrý belgileri bar, 9 231-i – sımptomy joqtar. 17 831 adam saýyǵyp shyqsa, 340 naýqas kóz jumdy. Sońǵy táýlikte 95 adamnan (64-iniń aýrý belgileri bar) koronavırýs tabylsa, 32-si jazylyp shyqty. Sońǵy aptada aldyńǵymen salystyrǵanda, aýrý juqtyrý kórsetkishi 6 paıyzǵa (39 adamǵa) tómendedi», dep habarlady vedomstvodan.
Óńirde osy kezge deıin 69 383 turǵyn vaktsınanyń birinshi, 32 851-i ekinshi komponentin qabyldady.
Eske sala keteıik, budan buryn Batys Qazaqstanda 8 700-den astam medıtsına qyzmetkerine 2,5 mlrd teńge ústemeaqy tólengenin jazǵan bolatynbyz.
