Batys Qazaqstanda jyl basynan 1365 jańa turǵyn úı salyndy
ORAL. QazAqparat - Batys Qazaqstan oblysynda bıylǵy on bir aıda 86,7 mlrd. teńgeniń qurylys jumystary atqaryldy, dep habarlaıdy QazAqparat tilshisi.
BQO statıstıka departamentinen túsken málimetke qaraǵanda, bul ótken jylǵydan 5,4 paıyzǵa artyq. Jyl ishinde 1454 jańa ǵımarat paıdalanýǵa berilse, sonyń 1365-i - turǵyn úıler.
Jyl basynan beri turǵyn úı qurylysyna 19,4 mlrd. teńge ınvestıtsııa jumsaldy, bul 2015 jylǵydan 7,2 paıyzǵa kóp.
Oblysta turǵyn úı qurylysy qarqyndy júrgizilýde. Jalpy alańy 234,3 myń sharshy metr turǵyn iske qosylyp, ótken jylǵydan 16 paıyzǵa asyp tústi. Sonyń ishinde turǵyndar qarajatyna 160,3 myń sharshy metr, respýblıkalyq bıýdjet esebinen 36,7 myń sharshy metr jalǵa beriletin jáne kásiporyndar qarjysyna 37,3 myń sharshy metr kommertsııalyq turǵyn úıler salyndy.
Turǵyn úıler, ásirese, Oral qalasynda, sondaı-aq Jańaqala, Jánibek, Zelenov, Terekti, Shyńǵyrlaý aýdandarynda kóbirek boı kóterýde.
