Batys Qazaqstanda júrgizýshi 51 jastaǵy áıeldi qaǵyp, qashyp ketken
BQO polıtsııa departamentiniń baspasóz qyzmetinen málim etkendeı, oqıǵa 13 shilde kúni shamamen saǵat 08.30-da Terekti aýdany Poıma aýyly mańynda boldy.
«Belgisiz júrgizýshi jol shetinde turǵan 1972 jylǵy áıeldi qaǵyp, oqıǵa ornynan boı tasalaǵan. Jol apatynan jaraqat alǵan áıel aýrýhanaǵa jetkizildi. Qazirgi ýaqytta júrgizýshini anyqtaý boıynsha jumystar júrgizilýde», dep habarlady vedomstvodan.
BQO densaýlyq saqtaý basqarmasy baspasóz qyzmetiniń naqtylaýynsha, zardap shekken áıel jedel járdem brıgadasymen Oraldaǵy qalalyq kópbeıindi aýrýhananyń qabyldaý bólimine saǵat 09.30-da jetkizilgen.
Keýde qýysy, jambas súıekteri men býyndarynyń jáne tize býyndarynyń rentgenografııasy, basqa da zerthanalyq zertteýler jasaldy.
Neırohırýrgııa bólimshesine jatqyzylǵan áıeldiń jaǵdaıy ortasha aýyr.
Eske sala keteıik, budan buryn Oralda avtokólik qaǵyp ketken 64 jastaǵy er adamnyń mert bolǵanyn jazǵan edik.
