Batys Qazaqstanda juqpaly aýrýlar statsıonarynda jatqandar sany 350-den asty
ORAL. QazAqparat – Batys Qazaqstan oblysynda 591 tósektik 7 juqpaly aýrýlar statsıonarynda 354 adam emdelýde, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, sondaı-aq 185 tósek-orynda 4 karantın statsıonarynda 21 adam emdelip jatyr.
Qazirgi tańda 30 adam jansaqtaý bóliminde jatyr. Onda tósekterdiń (62) teń jartysyna jýyǵy (48,4 paıyzy) tolǵan. Sol sekildi ınvazıvti emes jasandy tynys alý apparatyna 6, ottegi kontsentratoryna 11, ortalyqtandyrylǵan ottegi kózine 97 adam qosylǵan.
Ótken jyldyń qyrkúıeginen beri oblysta barlyǵy 390 balanyń aýyrǵany tirkeldi. Sonyń ishinde bıyl 185 bala koronavırýs juqtyrǵan.
Oblystyq basqarma mamandarynyń sózine qaraǵanda, indettiń aldyn alý jáne der kezinde kómek kórsetý maqsatynda barlyq qalalyq emhanada saǵat 08.00-den 20.00-ge deıin sıtýatsııalyq ortalyqtar jumys isteıdi. Adamdar ózin jaısyz sezingen kezde birden osy ortalyqqa habarlasqany jón. Onda ótinimdi qabyldap, jedel brıgada jiberiledi. Dáriger qarap, tıisti keńesin berip, qajet bolǵanda synama alady.
Sıtýatsııalyq ortalyqtar mamandary kovıdpen aýyryp, ambýlatorlyq em alyp jatqan naýqastarǵa habarlasyp, jaǵdaıyn bilip otyrady.
Qalalyq №3 emhana dárigeri Talshyn Esenálıevanyń aıtýynsha, munda sıtýatsııalyq ortalyq karantınniń alǵashqy kúnderinde ashylǵan. Kún saıyn alty maman emdelýshilermen sóılesip, olardyń jaı-kúıi, aýrý belgileri jóninde jedel brıgadaǵa málimet beredi. Kún saıyn saǵat 08.00-den keshki 18.00-ge deıin naýqastarǵa qońyraý shalady. Osyndaı jumys Oral qalasynyń basqa da emhanalarynda, sondaı-aq aýdandyq aýrýhanalarda uıymdastyrylǵan. Sıtýatsııalyq ortalyqtardyń telefon nómirlerin emhanalardan, ınternet kózderinen jáne medıtsına uıymdarynyń resmı saıttarynan da bilýge bolady:
№1 qalalyq emhana 50-47-20, 8-707-110-13-38
№2 qalalyq emhana 8-702-263-13-10, 30-44-53
№3 qalalyq emhana 51-05-77, 50-31-39
№4 qalalyq emhana 8-708-767-21-90, 52-79-34
№5 qalalyq emhana 8-778-526-70-11, 91-80-60
№6 qalalyq emhana 8-707-360-95-80, 31-01-76
Aqjaıyq aýdandyq aýrýhanasy 8-711-369-13-77, 8-711-365-02-00, 8-775-443-00-53
Bórli aýdandyq aýrýhanasy 8-771-133-59-65, 8-71133-35-9-68
Jańaqala aýdandyq aýrýhanasy 8-778-163-24-92, 8-777-988-29-09
Jánibek aýdandyq aýrýhanasy 8-771-032-34-07; 8-707-574-79-60; 8-705-476-89-86;
Báıterek aýdandyq aýrýhanasy 8-708-433-19-60, 8-705-802-37-61
№2 Báıterek aýdandyq aýrýhanasy 8-705-841-45-05; 8-775-841-45-05
Qaztalov aýdandyq aýrýhanasy 8-711-443-22-13
№2 Qaztalov aýdandyq aýrýhanasy 8-711-382-62-47
Qaratóbe aýdandyq aýrýhanasy 8-71145-31-2-53
Bókeı ordasy aýdandyq aýrýhanasy 8-705-264-23-96, 8-708-272-59-19, 8-705-225-59-89
Syrym aýdandyq aýrýhanasy 8-711-342-13-11, 8-777-478-25-55, 8-705-813-68-68
Tasqala aýdandyq aýrýhanasy 8-71139-21-8-86, 8-777-979-05-61
Shyńǵyrlaý aýdandyq aýrýhanasy 8-71137-34-452, 8-778-802-00-08
Terekti aýdandyq aýrýhanasy 8-705-804-07-28, 8-71132-23-4-55.
№2 Terekti aýdandyq aýrýhanasy 8-775-373-63-27, 8-71143-92-4-35
Eske sala keteıik, BQO-da karantın talabyn buzǵandarǵa 3 mln teńgeden astam aıyppul salyndy. Qazir óńirde toǵyz mektep karantınge jabyldy. Sondaı-aq 1 myń adamǵa koronavırýs ekpesi salyndy.
