Batys Qazaqstanda júk kóligi órtenip ketti
ORAL. QazAqparat – Batys Qazaqstan oblysynda júk kóligi órtenip ketti, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 14 naýryz kúni Terekti aýdany aýmaǵynda boldy.
Saǵat 08.53-te Samara-Shymkent jolynyń 290-shaqyrymynda Barbastaý aýyly tusynda bir rettik plastıkalyq ydys tıelgen «Mersedes» júk kóligi otqa orandy.
«Tilsiz jaý» órt sóndirýshilerdiń kúshimen saǵat 10.00-de aýyzdyqtaldy.
Qazirgi kezde órttiń shyǵý sebebi anyqtalý ústinde.
Jyl basynan beri osymen 20 avtokólik órtendi.
Eske sala keteıik, budan buryn Batys Qazaqstanda 300-deı júk kóligi jol keptelisinde turyp qalǵanyn jazǵan bolatynbyz.
