Batys Qazaqstanda jol jabyq
ASTANA. QazAqparat - Batys Qazaqstanda respýblıkalyq mańyzǵa ıe jol ýchaskesi jabyldy, dep habarlaıdy «QazAqparat» HAA Tótenshe jaǵdaılar komıtetine silteme jasap.
«5 aqpan kúni 18:00-den bastap qolaısyz aýa raıyna (boran, daýyl, kórý múmkindiginiń shektelýi) baılanysty respýblıkalyq mańyzǵa ıe «Oral - Kamenka - RF shekarasy» avtojolynyń 74-104 km ýchaskesi avtokóliktiń barlyq túri úshin jabyldy», - delingen vedomstvonyń resmı saıtynda.
