Batys Qazaqstanda jol oqıǵasynan bir adam qaza tapty
ORAL. QazAqparat – Batys Qazaqstan oblysynda jol-kólik oqıǵasynan er adam qaza tapty, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 18 qańtar kúni Aqjaıyq aýdany aýmaǵynda boldy.
Saǵat 14.18-de Oral-Atyraý jolynyń 102-shaqyrymynda 1974 jylǵy júrgizýshi «Iveko» avtokóliginiń rýline ıe bola almaı, jol jıegine túsip ketken.
Sonyń saldarynan avtokólikte otyrǵan jolaýshy trassalyq medıtsınalyq-qutqarý beketi qyzmetkerleri kelgenshe alǵan jaraqattarynan oqıǵa ornynda kóz jumdy.
Júrgizýshige medıtsınalyq kómek kórsetildi.
Sondaı-aq 19 qańtar kúni saǵat 03.38-de Aqjaıyq aýdany Jambyl aýyldyq okrýgi Bitik aýyly mańynda «»Folksvagen Passat» avtokóligi jol jıegine túsip ketken.
Trassalyq medıtsınalyq-qutqarý beketiniń kúshimen 4 adam (ekeýi – bala) qutqarylyp, aýdandyq ortalyq aýrýhanaǵa jetkizildi. Kólik júrgizýshisi medıtsınalyq kómekti qajetsinbedi.
BQO TJ departamenti asa qajettilik bolmasa, aýa raıynyń qolaısyz kezinde alys jolǵa shyqpaý, eger tótenshe jaǵdaı týyndasa, 112, 101 telefondaryna habarlasý kerektigin eskertedi.
Eske sala keteıik, budan buryn Oralda bes qabatty úıdegi órtten 25 adam evakýatsııalanǵanyn jazǵan bolatynbyz.
