Batys Qazaqstanda jol apatynan júrgizýshi qaza tapty

ORAL. QazAqparat - Batys Qazaqstan oblysynda jeńil kólik júk kóligine soǵylyp, jeńil kóliktiń júrgizýshisi qaza tapty, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, oqıǵa 30 qazan kúni shamamen saǵat 11.15-te Oral-Kırsanov jolynyń 15-shaqyrymynda boldy.

«Toıota» avtokóliginiń 31 jastaǵy júrgizýshisi basyp ozý kezinde 55 jastaǵy júrgizýshi aıdap kele jatqan «GAZ-53» avtokóligimen soqtyǵysýǵa jol bergen.

Sonyń saldarynan «Toıota» júrgizýshisi oqıǵa ornynda kóz jumdy. Oǵan qosa túrli jaraqat alǵan 16 jáne 13 jasar jasóspirimder Oraldaǵy qalalyq kópbeıindi aýrýhanaǵa jetkizildi.

Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilýde.

Oqıǵanyń mán-jaıy anyqtalyp jatyr.

Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, basynan jaraqat alyp, es-tússiz kúıde jatqan 13 jasar balaǵa ota jasalýda. 16 jastaǵy jasóspirimniń bas súıegi synǵan. Jansaqtaý bóliminde jatyr.

55 jastaǵy júrgizýshi aýrýhanaǵa jatýdan bas tartty.