Batys Qazaqstanda jol apatynan úsh adam kóz jumdy
BQO polıtsııa departamentiniń baspasóz qyzmetinen málim etkendeı, oqıǵa 24 naýryz kúni Oral-Atyraý jolynyń 308-shaqyrymynda Aqjaıyq aýdany aýmaǵynda bolǵan.
«Shamamen saǵat 14.30-da 1991 jylǵy júrgizýshi aıdap kele jatqan «GAZ-330273-753» júk kóliginiń tirkemesi aǵytylyp, qarsy betke shyǵyp ketken. Sodan qarsy bette 27 jastaǵy júrgizýshi aıdap kele jatqan «Toıota Kamrı» avtokóligimen soqtyǵysqan. Saldarynan «Toıota Kamrı» avtokóliginiń júrgizýshisi men 22 jáne 42 jastaǵy eki jolaýshysy oqıǵa ornynda mert boldy. Aqjaıyq aýdandyq ortalyq aýrýhanasyna 1979 jáne 1991 jylǵy eki adam túrli jaraqatpen jetkizildi. Atalǵan derek boıynsha QR QK 345-baby 4-bóligine sáıkes qylmystyq is qozǵalyp, barlyq tıisti saraptamalar taǵaıyndaldy», - dep habarlady vedomstvodan.
Eske sala keteıik, budan buryn Oralda 22 jastaǵy qyzdyń 9 qabatty úıdiń tóbesinen sekirip ketkenin jazǵan bolatynbyz.
