Batys Qazaqstanda jol apatynan úsh adam qaza tapty
BQO polıtsııa departamenti baspasóz qyzmetinen túsken málimetke qaraǵanda, oqıǵa 20 mamyr kúni saǵat shamamen 23.05-te Oral qalasy mańynda boldy.
«46 jastaǵy júrgizýshi «Changan» avtokóligimen Podstepnyı - Melovye gorkı jolynyń 5-shaqyrymynda qarsy betke shyǵyp ketken. Sodan 25 jastaǵy júrgizýshi aıdap kele jatqan «Volvo» júk kóliginiń jartylaı tirkemesimen túıisken. Sonyń saldarynan 45 jastaǵy júrgizýshige qosa 1977 jáne 2011 jylǵy jolaýshylar alǵan jaraqatynan esin jımastan, oqıǵa ornynda kóz jumdy. Atalǵan derek boıynsha QR QK 345-baby 4-bóligine sáıkes sotqa deıingi tergeý amaldary júrgizilýde. Basqa aqparat QR Qylmystyq is júrgizý kodeksiniń 201-babyna sáıkes jarııalaýǵa jatpaıdy», - dep habarlady vedomstvodan.
Qazirgi kezde oqıǵanyń jaı-japsary anyqtalý ústinde.
