Batys Qazaqstanda jol apatynan taǵy eki adam mert boldy
BQO polıtsııa departamentiniń baspasóz qyzmetinen málim etkenindeı, oqıǵa 7 shilde kúni Bórli aýdany aýmaǵynda boldy.
«Saǵat 18.20-da Bórli-Aqsaı-Jympıty kúre jolynyń 10-shaqyrymynda 1983 jylǵy júrgizýshi «VAZ-21114» avtokóligimen kele jatyp, qarsy betke shyǵyp ketken. Sodan 1981 jylǵy júrgizýshi aıdap kele jatqan «VAZ-21120» avtokóligimen soqtyǵysýǵa jol bergen. Jol apaty saldarynan eki júrgizýshi oqıǵa ornynda kóz jumdy. Úsh jolaýshy Aqsaı qalasyndaǵy ortalyq aýdandyq aýrýhananyń hırýrgııalyq bólimshesine jetkizildi. Qazirgi kezde oqıǵanyń mán-jaıy anyqtalyp jatyr», dep habarlady vedomstvodan.
BQO densaýlyq saqtaý basqarmasy baspasóz qyzmetiniń naqtylaýynsha, atalǵan aýrýhanada jatqan 1989 jylǵy er, 1984 jylǵy áıel adamnyń jáne 2013 jylǵy balanyń jaǵdaıy ortasha aýyr.
Bul – bir kúnde bolǵan ekinshi qaıǵyly oqıǵa.
Eske sala keteıik, budan buryn BQO-da jol apatynan 2 adamnyń qaza taýyp, beseýiniń aýrýhanaǵa jetkizilgenin jazǵan bolatynbyz.
Sonyń ishinde 7 aılyq sábı jansaqtaý bóliminde jatyr.