Batys Qazaqstanda jol apatynan kishkentaı bala kóz jumdy

ORAL. QazAqparat – Batys Qazaqstan oblysynda jol apatynan kishkentaı bala kóz jumdy. BQO polıtsııa departamentiniń baspasóz qyzmeti málim etkenindeı, oqıǵa 9 mamyr kúni shamamen tús mezgilinde Oral-Atyraý jolynda boldy, dep habarlaıdy QazAqparat tilshisi.

«Kaztalov-Inder baǵytyndaǵy joldyń 188-shaqyrymynda 34 jastaǵy júrgizýshi áıel aıdap kele jatqan «Toıota Kamrı» avtokóligi aýdarylyp qaldy. Aldyn ala málimetke qaraǵanda, júrgizýshi rýlge ıe bola almaǵan. Jol apaty saldarynan kishkentaı bala qaza tapty. Oǵan qosa, júrgizýshi men jolaýshy zardap shekti. Qazirgi kezde QR QK 345-babyna sáıkes sotqa deıingi tergeý amaldary júrgizilip jatyr»

, - dep habarlady vedomstvodan.

BQO densaýlyq saqtaý basqarmasynyń naqtylaýynsha, oqıǵa Oral-Atyraý jolynda Aqjaıyq aýdany Chapaev aýylynan 70 shaqyrym jerde boldy. Jol apatynan 2019 jylǵy bala jedel járdem kelgenge deıin qaıtys boldy. 1985 jylǵy er adam keýde tusynan jaraqat alǵan, mıy shaıqalyp, omyrtqasyna zaqym kelgen. 1988 jylǵy áıeldiń beti kógergen.

Eske sala keteıik, budan buryn Oral turǵyny mas kúıinde polıtsııa pýnktin taspen urǵanyn, Batys Qazaqstanda tórt adamǵa qasqyr shapqanyn jazǵan bolatynbyz.