Batys Qazaqstanda jol apatynan eki adam mert bolyp, tórteýi aýyr jaraqat aldy
ORAL. QazAqparat – Batys Qazaqstan oblysynda jol apatynan eki adam mert bolyp, tórteýi aýyr jaraqat aldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa búgin shamamen saǵat 12.47-de Oral-Aqsaı joly boıynda boldy.
Bórli aýdany Araltal aýyly tusynda «Folksvagen Passat» pen Oralǵa bara jatqan jeńil járdem kóligi betpe-bet soqtyǵysty.
Oblystyq densaýlyq saqtaý basqarmasynan túsken málimetke qaraǵanda, jeńil avtokóliktiń júrgizýshisi jedel járdem kelgenge deıin qaza tapty.
Oralǵa emdelýge bara jatqan áıel alǵan jaraqattary saldarynan jedel járdem kóligi ishinde ómirden ozdy.
Tórt adam aýyr halde Bórli aýdandyq ortalyq aýrýhanasyna jetkizildi. Olardyń úsheýi jansaqtaý bóliminde, bireýi hırýrgııalyq bólimshede.
Quramynda neırohırýrg bar sanavıatsııa brıgadasy Bórli aýdanyna attandy.
