Batys Qazaqstanda jol apatynan bir aıda 8 adam qaza tapty
ORAL. QazAqparat - Batys Qazaqstan oblysynda 5 mamyr - 5 maýsym aralyǵynda jol qozǵalysy qaýipsizdigin qamtamasyz etý maqsatynda aılyq ótti, dep habarlaıdy QazAqparat tilshisi.
Oblystyq ishki ister departamenti jergilikti polıtsııa qyzmetinen túsken málimetke qaraǵanda, osy bir aıda 23 jol-kólik oqıǵasy bolyp, 8 adam qaza tapqan, taǵy 19-y jaraqattandy.
Aılyq kezinde jol erejesin buzýdyń 9842 faktisi tirkeldi. Sonyń ishinde 228 júrgizýshi uıaly telefondy paıdalanǵany, 956-sy jyldamdyqty shekten tys arttyrǵany, 1028-i qaýipsizdik belbeýin taqpaǵany, 25-i joldyń qarsy betine shyqqany, 104-i jaıaý júrginshini ótkizbegeni, 409-y áınekti qarańǵylatyp alǵany úshin jaýapqa tartyldy. Jol erejesin buzǵan 169 jaıaý júrginshi de kózge tústi.
Osy merzimde kólikke mas kúıinde otyrǵan 130 júrgizýshiniń tórteýi ákimshilik qamaýǵa alyndy.
Aıta keteıik, dybys jáne jaryq belgilerimen kele jatqan jedel járdem kólikterin ótkizbeıtin júrgizýshiler de bar. Mysaly, 5 maýsym kúni ótkizilgen «Arnaıy belgi» sharasy kezinde sondaı eki júrgizýshi anyqtaldy. Jyl basynan beri osyndaı 6 júrgizýshi jazalandy.
