Batys Qazaqstanda jol apatynan bir adam mert boldy
ORAL. QazAqparat - Batys Qazaqstan oblysynda jol apatynan er adam qaza tapty, dep habarlaıdy QazAqparat tilshisi.
Oqıǵa búgin erte tańmen Oral-Atyraý joly boıynda Báıterek aýdany aýmaǵynda oryn aldy.
«Mersedes» «GazELЬ» júk kóligimen soqtyǵysqan.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, Úlken Shaǵan aýyly tusynda bolǵan jol-kólik oqıǵasyna jedel járdem saǵat 04.25-te shaqyryldy.
Apat saldarynan 4 er adam zardap shekti. Sonyń ishinde 1992 jylǵy jigit oqıǵa ornynda kóz jumdy. 1989 jylǵy er adam jabyq bas-mı jaraqaty, shamamen otyzdardaǵy er adam jaq súıegi synýy, ish jaraqatymen oblystyq kópbeıindi aýrýhanaǵa jetkizildi. 1972 jylǵy er adam qaralyp, oqıǵa ornynda qaldyryldy.
Qazirgi kezde oqıǵanyń jaı-japsary anyqtalý ústinde.
