Batys Qazaqstanda jol apatynan bes adam qaza tapty

ORAL. QazAqparat – Batys Qazaqstan oblysynda jol apatynan bes adam qaza tapty, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, oqıǵa búgin saǵat 07.57-de Atyraý-Oral jolynyń 238-shaqyrymynda Aqjaıyq aýdany aýmaǵynda boldy.

Taıpaq pen Almaly aýyldarynyń arasynda, órt sóndirý beketinen 18 shaqyrym jerde mal azyǵy tıelgen tirkemesi bar «KamAZ» men «Toıota Kamrı» avtokóligi betpe-bet soqtyǵysqan.

Sonyń saldarynan jeńil kólik túgeldeı órtenip ketti. «KamAZ» júk kóliginiń kabınasy da jandy. Jeńil kólikten 5 adamnyń múrdesi shyǵaryldy.

Oqıǵa ornynda órt sóndirýshiler men polıtsııa qyzmetkerleri jumys istedi.

BQO polıtsııa departamentiniń baspasóz qyzmeti oqıǵany rastady.

Eske sala keteıik, budan buryn BQO-da TJ alynǵanymen, blokpostar jumysyn jalǵastyryp jatqanyn jazǵan bolatynbyz.