Batys Qazaqstanda jol apatynan alty adam qaza tapty
ORAL. QazAqparat - Batys Qazaqstan oblysynda jol apatynan alty adam qaza tapty, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa 22 aqpan kúni shamamen saǵat 15.00-de Atyraý-Oral jolynyń 259-shaqyrymynda Aqjaıyq aýdany Atameken aýylynan 10 km jerde boldy.
«Toıota Korolla» men «Lada Prıora» avtokólikteri soqtyǵysty.
Sonyń saldarynan oqıǵa ornynda alty adam kóz jumdy. Bir adam túrli jaraqatpen Taıpaq aýylyndaǵy aýrýhanaǵa jetkizildi.
Qazirgi kezde osy oqıǵa boıynsha QR QK 345-baby 4-bóligine sáıkes sotqa deıingi tergeý amaldary júrgizilýde.
Qylmystyq is aıasynda kóliktik jáne trassologııalyq saraptama taǵaıyndaldy, sonyń qorytyndysyna sáıkes zańdy sheshim qabyldanady.
Jyl basynan beri oblysta 29 jol-kólik oqıǵasynan 14 adam mert bolyp, 61 adam jaraqat aldy.
