Batys Qazaqstanda jol apatynan 70 jastaǵy júrgizýshi qaza tapty
BQO polıtsııa departamentiniń baspasóz qyzmeti málim etkenindeı, oqıǵa búgin saǵat 06.30-da Oral-Atyraý jolynda boldy.
Atalmysh joldyń 224-shaqyrymynda Aqjaıyq aýdany Taıpaq aýyly tusynda «Folksvagen Passat» kóligi toqtap turǵan júk kóligine soǵylǵan.
Sonyń saldarynan jeńil kóliktiń 1951 jylǵy júrgizýshisi jedel járdem kelgenge deıin kóz jumdy. Eki adam aýrýhanaǵa jetkizildi.
Qazirgi kezde oqıǵanyń jaı-japsary anyqtalý ústinde.
BQO densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, qazirgi kezde Aqjaıyq aýdandyq aýrýhanasynda jatqan 1956 jylǵy er jáne 1959 jylǵy áıel adamnyń jaǵdaılary ortasha. Áıel jabyq bas-mı jaraqatyn alyp, mıy shaıqalǵan. Er adamnyń keýde tusy kógerip, qabyrǵalary synǵan.
Eske sala keteıik, budan buryn Oralda toǵyz qabatty turǵyn úıdiń tóbesinen 40 jastaǵy er adamnyń qulap ketkenin jazǵan bolatynbyz.