Batys Qazaqstanda jol apatynan 7 jasar qyz qaza tapty

ORAL. QazAqparat - Batys Qazaqstan oblysynda jol apatynan 7 jasar qyz qaza tapty, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, oqıǵa 15 maýsym kúni shamamen saǵat 09.00-de boldy.

«Jympıty-Qaratóbe jolynyń 75-shaqyrymynda 40 jastaǵy júrgizýshi masań kúıde»Lada-2114«avtokóliginiń rýline ıe bola almaı, aýdarylǵan.

»Jol apaty saldarynan 2016 jylǵy qyz bala Syrym aýdandyq ortalyq aýrýhanasyna jetkizilgenimen, esin jımastan kóz jumdy. Júrgizýshi dáriger qaraǵannan keıin úıine jiberildi«, dedi BQO PD Ákimshilik polıtsııa basqarmasy bastyǵynyń orynbasary, polıtsııa maıory Oljas Ibraıymov.

Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilýde.

Eske sala keteıik, budan buryn Batys Qazaqstan oblysynda qudyqqa qulaǵan sábıdiń kóz jumǵanyn jazǵan bolatynbyz.