Batys Qazaqstanda jol apatynan 4 adam kóz jumdy
ORAL. QazAqparat – Batys Qazaqstan oblysynda jol apatynan tórt adam qaza tapty, dep habarlaıdy QazAqparat tilshisi.
BQO polıtsııa departamenti baspasóz qyzmetiniń jetekshi mamany Móldir Sadyrǵalıevanyń málim etkenindeı, oqıǵa 1 shilde kúni saǵat 21.00-de Jańaqala aýdany aýmaǵynda boldy.
Chapaev-Jańaqala-Saıqyn jolynda Jolqudyq eldi mekeni tusynda 1987 jylǵy júrgizýshi «Lada Granta» avtokóligimen qarsy betke shyǵyp ketken. Sonyń saldarynan 1993 jylǵy júrgizýshi aıdap kele jatqan «VAZ-2107» avtokóligimen betpe-bet soqtyǵysqan.
Jol apatynan 4 adam qaza tapty, sonyń bireýi – 7 jasar bala.
Jańaqala aýdandyq ortalyq aýrýhanasyna 8 adam jatqyzyldy, sonyń altaýy – kámeletke tolmaǵandar.
Qazirgi kezde osy oqıǵa boıynsha QR QK 345-baby 4-bóligine sáıkes sotqa deıingi tergeý amaldary júrgizilýde.
Eske sala keteıik, budan buryn Batys Qazaqstanda avtokólik aýdarylyp, 31 jastaǵy jolaýshynyń mert bolǵanyn, Oralda júrgizýshi quqyǵynan aıyrylǵan adam taǵy da mas kúıinde jol apatyn jasaǵanyn jazǵan edik.
