Batys Qazaqstanda jol apatynan 25 jastaǵy júrgizýshi qaza tapty
ORAL. QazAqparat – Batys Qazaqstan oblysynda jol apatynan 25 jastaǵy júrgizýshi qaza tapty, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 16 aqpan kúni keshkisin Samara-Shymkent tas jolynyń 307-shaqyrymynda boldy.
Terekti aýdany Ańqaty aýylyna qaraı burylar tusta 25 jastaǵy júrgizýshi VAZ-21102 avtokóligimen joldyń qarsy betine shyǵyp ketken. Sodan «KamAZ» júk kóligimen soqtyǵysqan. Ol jeńil kólikte jalǵyz bolǵan.
Oqıǵa ornynda qaza tapqan marqumnyń denesin BQO TJ departamenti jedel qutqarý jasaǵynyń qyzmetkerleri arnaıy quraldardyń kómegimen kólikten shyǵardy.
BQO polıtsııa departamenti baspasóz qyzmetiniń naqtylaýynsha, jol apaty jóninde shamamen saǵat 18.10-da habar túsken.
Polıtsııa qyzmetkerleri anyqtaǵanyndaı, Qyzylorda oblysynyń turǵyny, 1982 jylǵy júrgizýshi aıdaǵan «KamAZ» avtokóligi Oral qalasyna qaraı bara jatqan.
Jol-kólik oqıǵasynyń sebepteri anyqtalýda. Oqıǵa ornynda jedel tergeý toby jumys istedi.
QR QK 345-baby 1-bóligine sáıkes sotqa deıingi tergeý amaldary júrgizilýde.
Eske sala keteıik, budan buryn Oralda jastar tóbelesinen keıin taǵy bir adamnyń kóz jumǵanyn, BQO-da joldy kútip ustamaǵan kásiporynǵa 73 mln teńge aıyppul salynǵanyn jazǵan bolatynbyz.
