Batys Qazaqstanda jol apaty saldarynan 5 adam aýrýhanaǵa jetkizildi
ORAL. QazAqparat – Batys Qazaqstan oblysynda jol apaty saldarynan 5 adam aýrýhanaǵa jetkizildi, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 14 aqpan kúni Oral-Atyraý joly boıynda Aqjaıyq aýdany Samal aýyly tusynda boldy.
Saǵat 13.30-da Belarýs azamaty aýa raıynyń qolaısyzdyǵynan (joldyń nashar kórinýi saldarynan) Skania júk kóligimen jol shetinde toqtap turǵan Toyota Camry jáne Volkswagen Passat avtokólikterine baryp soǵylǵan.
BQO TJ departamenti apattyq medıtsınalyq ortalyǵy trassalyq-medıtsınalyq qutqarý beketiniń qyzmetkerleri 5 adamǵa alǵashqy medıtsınalyq kómek kórsetip, Aqjaıyq
aýdandyq ortalyq aýrýhanasyna jetkizdi.
Dáriger qaraǵannan keıin tórt adam ambýlatorlyq emdeýge jiberildi. 23 jastaǵy júkti kelinshek aýrýhanada dáriger baqylaýynda qaldyryldy.
Eske sala keteıik, budan buryn Batys Qazaqstanda boranǵa baılanysty joldar jabylǵanyn jazǵan bolatynbyz.
