Batys Qazaqstanda joǵalyp ketken turǵyn izdestirilýde
ORAL. QazAqparat - Batys Qazaqstan oblysynda joǵalyp ketken turǵyn izdestirilýde, dep habarlaıdy QazAqparat tilshisi.
Qaztalov aýdandyq ishki ister bólimi Jalpaqtal polıtsııa bóliminiń krımınaldyq polıtsııa tobynyń jedel ýákili, polıtsııa aǵa leıtenanty Asan Mustaǵatovtyń sózine qaraǵanda, osy aýdanǵa qarasty Aqpáter aýylynyń 34 jasar turǵyny 18 sáýir kúni joǵalyp ketken. Sodan beri izdestirilýde.
Damır Satybaldıev sol kúni saǵat 17.00 shamasynda úıinen shyǵyp ketkennen oralmaǵan. Onyń boıy 165-170 sm, aryqsha kelgen, shashy qysqa, qara. Ústinde sur tústi kúrte kıip shyqqan. Sur trıko men qońyr tústi súıretpe bolýy múmkin.
Kórgen-bilgender bolsa, BQO ishki ister departamenti, 8(7112) 51-04-50, 92-10-26 nemese 102 nómirine, sondaı-aq Jalpaqtal polıtsııa bólimi kezekshisine 8(71138)21-150, 21-490 nómirine habarlasýy suralady.
Eske sala keteıik, budan buryn osy aýdanda ótken jyly joǵalyp ketken turǵynnyń denesi tabylǵanyn jazǵan bolatynbyz.
