Batys Qazaqstanda joǵalyp ketken balyqshy qystaqtan tabyldy
BQO TJ departamentiniń baspasóz qyzmeti málim etkenindeı, oqıǵa Báıterek aýdanynda Bolashaq aýyly mańynda boldy.
25 aqpan kúni saǵat 10.00-de balyq aýlaýǵa ketken 1963 jylǵy er adam úıine oralmaǵan.
Saǵat 23.43-ten bastap jedel qutqarý jasaǵy (4 adam, 1 tehnıka) jáne TJ qyzmetkeri Bolashaq aýylynan 7 shaqyrym jerdegi toǵannan balyqshyny izdeý jumystaryn júrgizdi.
26 aqpan kúni saǵat 03.27-de izdeý toby er adamdy «Borıs» sharýa qojalyǵynyń qystaǵynan tapty. Onyń jaǵdaıy qanaǵattanarlyq, medıtsınalyq kómekti qajetsinbedi.
BQO TJ departamenti aýa raıy týraly málimetterge únemi qulaq túrip, kún buzylarda saparǵa shyqpaý qajettigin eske salady.
«Joldyń jaǵdaıy týraly «Dármen» mobıldi qosymshasynan alýǵa bolady. Qutqarýshylar kómegi qajet bolsa, «112» telefonyna habarlasý qajet», dep habarlady vedomstvodan.
Eske sala keteıik, budan buryn Batys Qazaqstanda erigen qar sýy joldy shaıyp ketkenin jazǵan bolatynbyz.
