Batys Qazaqstanda joǵalyp ketken balyqshy 10 kúnnen beri tabylmaı jatyr
ORAL. QazAqparat - Batys Qazaqstan oblysynda balyq aýlaýǵa shyqqan turǵyn joǵalyp ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen alynǵan málimetke qaraǵanda, bul oqıǵa jóninde habarlama 23 sáýir kúni saǵat 08.00-de túsken.
Terekti aýdany Shaǵan aýyldyq okrýginde 1954 jylǵy azamat 14 sáýir kúni Satym eldi mekeninen bes shaqyrym jerde Jaıyq ózenine balyq aýlaýǵa ketip, sodan oralmaǵan.
Málimet túskennen keıin BQO TJ departamenti jedel qutqarý jasaǵynan 9 adam 2 tehnıka, 2 júzý quralymen aýdanǵa baryp, jergilikti polıtsııa qyzmetinen bir qyzmetker jáne 1 tehnıkanyń kómegimen izdestirý jumystaryna kirisken. Oǵan kınologtar da qosyldy.
Terekti aýdany ákimi apparatynyń TJ jónindegi bas ınspektory Baqytjan Esqojın de balyqshynyń áli tabylmaǵanyn jetkizdi.
Eske sala keteıik, budan buryn osy Terekti aýdanynda balyq aýlaýǵa barǵan Reseıden kelgen azamattyń sýǵa ketkenin jazǵan bolatynbyz.
