Batys Qazaqstanda jer órtenip jatyr

ORAL. QazAqparat - Batys Qazaqstan oblysynda jer órtenip jatyr, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, oqıǵa 9 shilde kúni Terekti aýdany Shalqar aýyldyq okrýginde boldy.

«Saǵat 11.03-de Saryómir aýylynan 10 shaqyrym jerde shamamen 10 gektardaı aýmaqta qurǵaq shóp otqa orandy. Oqıǵa ornynda erikti órt sóndirý qurylymy jumys jasaýda. Sondaı-aq órt sóndirýshiler de bardy. Saǵat 12.20-da kúsh-quraldardy úılestirý úshin TJ departamentiniń jedel shtaby quryldy», dep habarlady vedomstvodan.

Dalalyq jerdiń órtenip jatqany Shalqar kóli jaǵasynda demalyp jatqandarǵa da anyq kórinedi.

Eske sala keteıik, budan buryn BQO-da konteıner men eki avtobýstyń janyp ketkenin jazǵan bolatynbyz.