Batys Qazaqstanda jeńil jáne júk kólikteri túıisip, júrgizýshi mert boldy

ORAL. QazAqparat – Batys Qazaqstan oblysynda jeńil jáne júk kólikteri túıisip, júrgizýshi mert boldy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, jantúrshigerlik oqıǵa 6 qazan kúni saǵat 18.20-da Terekti aýdany Barbastaý aýylyna qaraı jolda «Oktan» janar-jaǵarmaı stansasy mańynda boldy.

«Samara-Shymkent jolynyń 271-shaqyrymynda «VAZ» jeńil kóligi «Reno» júk kóligimen soqtyǵysqan. Sonyń saldarynan «VAZ» avtokóliginiń 1995 jylǵy júrgizýshisi oqıǵa ornynda kóz jumdy. Qazirgi kezde oqıǵa ornynda polıtsııa qyzmetkerleri jumys istep jatyr. Atalǵan derek boıynsha qylmystyq is qozǵalyp, tergeý amaldary júrgiziledi. Birqatar saraptama taǵaıyndalady», dep habarlady vedomstvodan.

Eske sala keteıik, budan buryn Batys Qazaqstanda jol apatynan polıtsııa qyzmetkeri kóz jumǵanyn jazǵan bolatynbyz.